‘ह्रस्व दीर्घ’को २ दिने कलेक्सन कती ?

कार्तिक ३० गते शुक्रबारबाट प्रदर्शन भएको चलचित्र ‘ह्रस्व दीर्घ’को २ दिने कलेक्सन सार्वजनिक गरिएको छ । निर्माणपक्षले दिएको जानकारी अनुसार यो चलचित्रले शुक्रबार र शनिबार २ करोडको ग्रस कलेक्सन गरेको हो ।

६ करोडको बजेटमा निर्माण भएको यो चलचित्रले प्रदर्शनको पहिलो दिन अर्थात शुक्रबार ८० लाख र शनिबार १ करोड २० लाख रुपैयाँ ग्रस कलेक्सन गरेको हो ।

दर्शकीय प्रतिक्रिया राम्रो पाएको यो चलचित्रको शोज संख्या कम हुँदा दर्शकमाझ टिकटको हाहाकार देखिएको थियो । शोज संख्या बढ्दै गएको खण्डमा यो चलचित्रले आफ्नो लगानी सुरक्षित गर्ने पक्का देखिन्छ ।

अभिनेत्री निता ढुङ्गानाले निर्माण गरेको यो चलचित्रको निर्माणमा नीतालाई अभिनेता हरिहर अधिकारीले सघाएका छन्। निता फिल्मस्को प्रस्तुतिमा निर्माण भएको चलचित्रको कार्यकारी निर्माता धनन्जय गलानी हुन् ।

चन्द्र पन्तले निर्देशन गरेको यो चलचित्रमा चलचित्रमा हरिहर अधिकारी, निता ढुङ्गाना, प्रशान्त ताम्राकार, सञ्चीता लुईटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आदर्श मिश्र, बुद्धि तामाङ, किरण केसीको अलावा भारतीय कलाकार ब्रह्मानन्दम, अली, कवीर दुहान सिंह, प्रदीप रावत, सुनिल वर्मा लगायतका कलाकारको अभिनय छ।