‘कान्ताराः च्याप्टर १’ का जुनियर कलाकार बोकेको बस पल्टियो, ६ घाइते

सबैजना ऋषभ शेट्टीको फिल्म ‘कान्ताराः च्याप्टर १’ को प्रतिक्षामा छन् । तर सन् २०२२ को सुपरहिट फिल्मको यो प्रिक्वेलसँग जोडिएको एउटा दुखद खबर आएको छ । चलचित्रका कलाकारलाई दुर्घटना भएको छ । कर्नाटकको उडुपीमा चलचित्रका २० जुनियर कलाकार बोकेको बस पल्टिँदा ६ कलाकार घाइते भएका छन् । आइतबार राति भएको यो घटनापछि घाइतेहरुको नजिकैको अस्पतालमा उपचार भइरहेको छ ।

हाम्रो सहकर्मी ‘टाइम्स अफ इन्डिया’ को रिपोर्ट अनुसार यो घटना कर्नाटकको कोल्लुर नजिकै उडुपी जिल्लाको जडकल नजिक भएको हो। सुटिङ सकिएपछि चलचित्रका २० जुनियर कलाकार बोकेको बसले कलाकारलाई लिएर जाँदै थियो । यो बस मुदुरबाट कोल्लुर जाँदै थियो। जडकल पुग्दा बस चालकले एक्कासी नियन्त्रण गुमाएपछि बस पल्टिएको हो । उक्त घटनामा ६ जना यात्रु गम्भीर घाइते भएका उनीहरुको जाडकल महालक्ष्मी क्लिनिकमा उपचार भइरहेको बताइएको छ ।

‘कान्ताराः च्याप्टर १’ को तटीय क्षेत्रमा छायांकन भइरहेको छ । यहाँ छायांकनमा धेरै स्थानीय कलाकार संलग्न छन् । कोल्लुर प्रहरीले दुर्घटनाको मुद्दा दर्ता गरी अनुसन्धान सुरु गरेको छ ।

१६ करोडमा बनेको ‘कान्तारा’ले ४ सय करोड कमाएको थियो ।
‘कन्थारा’ मूल रूपमा कन्नड फिल्म हो। ऋषभ शेट्टी यस फिल्मका मुख्य अभिनेता, निर्देशक र निर्माता पनि हुन्। सन् २०२२ मा रिलिज भएको फिल्मको बजेट १६ करोड थियो र यसले विश्वव्यापी रूपमा ४०७.८२ करोड रुपैयाँ कमाएको थियो। फिल्म सुरुमा कन्नडमा मात्रै रिलिज भएको थियो तर पछि यसको लोकप्रियता बढेपछि हिन्दी लगायत अन्य भारतीय भाषामा पनि रिलिज भएको थियो । ‘कान्तारा’ ले देशमा ३०९.६४ करोड रुपैयाँ कमाएको थियो ।